अमेरिकाको रात्री क्लबमा गोली चल्दा एक प्रहरीसहित १२ जनाको मृत्यु
२३ कात्तिक, काठमाडाैँ । संयुक्त राज्य अमेरिकाका लस एन्जल्सस्थित एउटा रात्री क्लबमा गोली प्रहार हुँदा एक प्रहरी अधिकारीसहित कम्तिमा १२ जनाको मृत्यु भएको छ । गोली प्रहारबाट झण्डै एक दर्जन व्यक्ति घाइते भएका छन् ।
स्थानीय समयअनुसार बुधबार राति ११ः२० बजे क्यालिफोर्नियाको थाउजण्ड ओक्सस्थित ‘बोर्डरल्याण्ड बार एण्ड ग्रील’ नामको मदिरालयमा गोली चल्न सुरु भएको थियो । राति भएको घटनामा सबैजना मदिरालयमा मारिएका भेटिएको प्रहरीले जनाएको छ । अमेरिकामा दुई हप्ताभित्रै सामूहिक गोली आक्रमण भएको छ ।
पहिल्लो आक्रमणमा प्रहरी अधिकारीको मृत्यु भएको पाइएको छ भने आक्रमणकारी पनि घटनास्थलमा नै मारिएको अवस्थामा भेटिएका छन् । प्रारम्भिक अनुसन्धान अनुसार आक्रमणकारीले आफैलाई गोली हानेको हुनसक्ने बताइएको छ । आक्रमणमा १० जना घाइते भएको जनाइएको छ । त्यो डान्सबारभित्र १२ सय जना मानिस रहेका थिए ।
प्रकाशित मिति : २३ कार्तिक २०७५, शुक्रबार ०७:५६
