नेपाली कांग्रेसका नेता गणेश लामा पेस्तोल र ६ राउण्ड गोलीसहित पक्राउ

१ चैत, काठमाडौं । नेपाली कांग्रेसका नेता समेत रहेका गुण्डा नाइके गणेश लामा  काठमाडौंको गौशालास्थित होटल पशुपति भिजनबाट पक्राउ परेका छन् ।

होटल भिजनमा गोली चलेपछि घटनास्थल पुगेको महानगरीय प्रहरी वृत, गौशालाको टोलीले लामालार्ई एउटा पेस्तोल र ६ राउण्ड गोलीसहित पक्राउ गरेको हो ।

लामाले आफूलाई दुई युवकले गोली प्रहार गरेर भागेको दाबी गरेपनि गोली भने कसैलाई नलागेको प्रहरीले बताएको छ । लामालाई नियन्त्रणमा लिएर थप अनुसन्धान थालिएको छ । लामा यसअघि काभ्रेको क्षेत्र नंं १ ‘ख’ बाट प्रदेशसभा सदस्यमा नेपाली कांग्रेसका लागि उम्मेदवार बनेका थिए । तर उनी नेकपा एमालेका उम्मेदवार चन्द्र लामासँग पराजित भएका थिए ।