अग्रज पत्रकार राजेन्द्र पराजुलीको निधन
२६ भदाै, काठमाडाैँ । अग्रज पत्रकार राजेन्द्र पराजुलीकाे निधन भएकाे छ । ५९ वर्षीय पराजुलीको निमाेनियाका कारण मंगलबार बिहान ललितपुरको ग्वार्कोस्थित बी एण्ड बी अस्पतालमा निधन भएकाे परिवारले जनाएको छ । पराजुलीको दिउँसाे २ बजेपछि पशुपति आर्यघाटमा अन्त्येष्टि गरिने परिवारका सदस्यहरूले बताएका छन ।
काठमाडाैँ कोटेश्वरका स्थायी बासिन्दा पराजुली एक दर्जन कृतिहरू प्रकाशित छन् । ‘कोटेश्वरको केटो’, ‘अघोरी’, ‘शुक्रराज शास्त्रीको चश्मा’लगायत उनका चर्चित कृत हुन । तीन दशक साहित्यिक पत्रकारिता गरेका उनले दुई दशकबढी पत्रपत्रिकामा काम गरे ।
प्रकाशित मिति : २६ भाद्र २०८०, मंगलवार ११:२८
