नुवाकोटको म्यागङ ३ का वडा अध्यक्ष परस्त्रीसहित होटलबाट पक्राउ

२४ भदौ, काठमाडौँ । नुवाकोट जिल्लाको म्यागङ गाउँपालिका वडा नम्बर ३ का अध्यक्ष परस्त्रीसहित होटलबाट पक्राउ परेका छन । विदुर नगरपालिका वडा नम्बर २ को एक होटलबाट नेपाली कांग्रेसका नेता समेत रहेका हरीबहादुर तामाङ पक्राउ परेका हुन ।

जिल्ला प्रहरी कार्यालय नुवाकोटले घटना बिबरण बताउन नचाहे पनि पक्राउको भने पुष्टि गरेको छ । महिलाको श्रीमानको उजुरीको आधारमा पक्राउ गरिएको प्रहरी स्रोतले बताएको छ । श्रीमान बैदेशिक रोजगारीको शिलशिलामा देशबाहिर रहेपछि वडा अध्यक्ष तामाङले ती महिलासँग समय बिताउने गरेका थिए । महिलाको श्रीमानको सूचनापछि प्रहरीले होटलबाटै उनीहरूलाई पक्राउ गरेको हो ।

तामाङ गत स्थानीय तह निर्वाचनमा ७९० मतसहित विजयी भएका थिए । उनले नेकपा मओवादी केन्द्रका बुद्धि बहादुर तामाङलाई पराजित गरेका थिए । बुद्धिले ५८२ मतमात्र प्राप्त गरेका थिए । (समाचारबाट रंगेहात भन्ने शब्द हटाईएको छ -प्रधानसम्पादक)