एक सय पाँच वर्षीया फुलमति देवीले गरिन मतदान
१० वैशाख, काठमाडौं । बारामा एक सय पाँच वर्षीया फुलमति देवी यादवले कल्याणपुरमा रहेको मतदान केन्द्रमा पुगेर मतदान गरेकी छिन् । आइतवार, देवताल गाउँपालिका वडा नम्बर २ गमहारीया बस्ने उनले प्रतिनिधि सभा सदस्य निर्वाचनका लागि मतदान गरेकी हुन् ।
फुलमती देवीलाई उनका नातीले सिँचाई केन्द्रको कार्यालय कल्याणपुरमा रहेको ‘द’ मतदान केन्द्रमा पुर्याएका थिए । निर्वाचन पश्चात् स्वास्थ्य अवस्थाको कारण देखाउँदै उनलाई घर लगिएको थियो ।
प्रकाशित मिति : १० बैशाख २०८०, आईतवार ११:१९
