‘आइएमई पे’को होली लक्षित नयाँ योजना सार्वजनिक

१९ फागुन, काठमाडाैं । ‘आइएमई पे’ले यस वर्षको होलीको लागि विभिन्न इभेन्ट आयोजकहरुसँग आबद्ध भइ सो इभेन्टहरुको टिकट प्रदायकको रुपमा रहने भएको छ । ‘आइएमई पे’ले आज एक विज्ञप्ति जारी उक्त विषयमा जानकारी दिएको हो ।

ग्राहकवर्गहरुलाई आफ्नो मित्रजन तथा परिवारसँग होली मनाउन सजिलै टिकट उपलब्ध गराउने उदेश्यका साथ ‘आइएमई पे’ले होली इभेन्ट टिकटिङ सुबिधा प्रदान गरेको हो । ‘आइएमई पे’मा ग्राहकवर्गहरुले ३ फरक–फरक होली इभेन्टको टिकट प्राप्त गर्न सक्ने छन् ।

कलरेल्ला, अन्नपूर्ण होटल, कलर स्प्ल्यास, द मल्ल होटल, होली फिएस्ता २०२३, सिद्दार्थ बुटिक होटलमा होली लक्षित इभेन्टहरु आयोजना हुनेछ ।

यी इभेन्टहरु क्रमशः रेडियो नागरिक, मेराकी इन्टरटेनमेन्ट, र अर्बन इन्टरटेनमेन्ट आयोजना गरेका हुन्। ग्राहकले आइएमई पेबाट टिकट खरिद गर्दा डोर सेल्सको टिकट मूल्यभन्दा थोरै मुल्यमा पाउन सक्नेछन्। टिकट खरिद गर्न, आइएमई पे एपको ‘इभेन्ट’ सेवाभित्र उपलब्ध छ।