आठ दलले बाेलाए प्रदेश सांसदहरुको भेला
१५ फागुन, काठमाडौं । आठ राजनीतिक दलले फागुन १९ मा प्रदेश सांसदहरुको भेला बोलाएका छन् । राष्ट्रपति चुनावमा एक ठाउँमा रहेका कांग्रेस, माओवादी केन्द्र, एकीकृत समाजवादी, जनता समाजवादी पार्टी, जनमत पार्टी, नागरिक उन्मुक्ति पार्टी र राष्ट्रिय जनमोर्चाले प्रदेश सांसदहरुको भेला बोलाएका हुन् ।
आठ दलीय गठबन्धनले बनाएको कार्यदलको बैठक सोमबार बसेको थियो । कांग्रेस उपसभापति पूर्णबहादुर खड्का नेतृत्वमा रहेको कार्यदलको बैठकले सांसदहरुको भेला बोलाउने निर्णय गरेको हाे ।
प्रकाशित मिति : १५ फाल्गुन २०७९, सोमबार १५:४७