नुवाकाेटकाे लिखु खोलामा माछा मार्न गएका नारायण मगरको लडेर मृत्यु
१४ असाेज, नुवाकाेट । नुवाकाेटकाे लिखु खोलामा माछा मार्न गएका नारायण मगरको लडेर मृत्यु भएकाे छ । लिखु खोलामा लडेर पन्चकन्या-२ कबिलासका ५८ बर्षीय मगरको मृत्यु भएको हाे । शनिबार राती घर भन्दा अलि तलको खोलामा माछा मार्न गएको र सोही क्रममा ड्यामको ढुङ्गा चिप्लिएर खोलामा पछारिँदा मृत्यु भएको हो ।
राती देखी घरमा नआएको र स्थानीय सहित बिहान खोज्न जाँदा ढुङ्गाको कापमा पानीभित्र डुबिराखेको अवस्थामा आज दिउँसो शब भेटिएको स्थानीय युवा लक्ष्मण खनालले जानकारी दिए । कबिलासको पुल भन्दा करिब १० मिटर माथी गड्खारको कुलो लाने उक्त ड्याम अब्यबस्थीत रहेको र ठुलाठुला ढुङ्गा राखेकोले जोकोही पनि चिप्लिएर पानीमा पर्नसक्ने अवस्थाको धराप रहेकोले घटना हुन पुगेको उनले बताए ।
प्रकाशित मिति : १४ आश्विन २०७५, आईतवार १९:०४
