वीरगञ्जमा गोली चल्यो

१३ असोज, पर्सा । प्रदेश नम्बर २ को पर्साको वीरगञ्ज महानगरपालिकामा गोली चलेको छ । महानगरपालिकाको वडानम्बर २ भन्सार रोडमा एक व्यक्तिलाई लक्षित गरी चार राउण्ड गोली प्रहार भएको प्रहरीले जनाएको छ ।

प्रहरीका अनुसार भारतीय नागरिक मदनप्रसाद साहलाई लक्षित गरी शनिबार बिहान दुई बजेतिर अज्ञात व्यक्तिबाट गोली प्रहार भएको हो ।  चार राउण्ड गोली हाने पनि साह भने गोली नलागेकाले सकुशल रहेका छन् ।

कोठामा एक्लै सुतिरहेका साहलाई अज्ञात व्यक्तिले ढोकाबाट हात छिराएर गोली हानेका थिए । साह कोइला सम्बन्धी काम गर्ने नबल इन्टरप्राइजेज वीरगञ्जमा म्यानेजरको रुपमा कार्यरत छन् ।