निर्मला हत्या प्रकरणः २४ घण्टाभित्र एसपी विष्टलार्इ पक्राउ गर्न अनेरास्ववियुको अल्टिमेटम

२९ भदाै, काठमाडाैँ । सत्तारुढ दल नेपाल कम्युनिष्ट पार्टी (नेकपा) निकट विद्यार्थी संगठन अनेरास्ववियु निर्मलाका न्यायका निम्ति सडकमा निस्किएको छ । अनेरास्विवयुका सचिव सुदेश पराजुलीको नेतृत्वमा शुक्रबार सरस्वति क्याम्पस अगाडिको सडकमा प्रदर्शन गरेको हो ।

प्रदर्शनपछिको कोणसभामा अनेरास्ववियुका सचिव पराजुलीले कन्चनपुरकी निर्मला पन्तको बलात्कारपछि हत्यामा संलग्नलाई २४ घण्टाभित्र कारबाही गर्न माग गरे ।

उनले एसपी डिल्लीराज बिष्टलगायतलाई गिरफ्तार गरी थप अनुसन्धान अघि बढाउन माग गरेका छन । प्रदर्शनमा नेकपाकी केन्द्रीय सदस्य दिलु पन्त समेत सहभागी रहेकी थिइन ।