वरिष्ठ प्रसुतीरोग विशेषज्ञ डा भोला रिजालले ॐ अस्पताल छाडे
२२ भदौ, काठमाडौँ । वरिष्ठ प्रसुतीरोग विशेषज्ञ डा भोला रिजालले ॐ अस्पताल छाडेका छन । आफ्नै अगुवाईमा ॐ अस्पतालको ब्राण्ड स्थापित गरेका डा रिजालले आन्तरिक रुपमा काम गर्ने वातावरण नभएकाले आफूले छाडेका दैनिकीलाई बताए । रातदिन नभनी अस्पतालका लागि काम गरेका डा रिजाल आन्तरिक राजनीतिको शिकार भएका छन ।
राजनीति गर्ने व्यक्तिलाई अस्पतालको नेतृवमा ल्याउनु हुन्न र विवादरिहत बनाउनुपर्छ भन्ने रिजालले आफ्नो दृढ मान्यतालाई बचाइ राख्न अस्पताल छाडेका हुन । अस्पतालको अध्यक्षमा राप्रपा कोषाध्यक्ष उद्धव पौडेल चयन भएपछि डा रिजालले औपचारिक रुपमै आफूले ॐ अस्पतालमा काम नगर्ने बताएका छन । डा भोला रिजाल र ॐ अस्पताल पर्यायबाची जस्तै सुनिन्थे।
स्थापनाकालदेखिन नै यो अस्पतालबाट सेवा दिइरहेका डा रिजालले सर्वसाधारणका लागि तत्काल नेपाल मेडिकल कलेज शिक्षण अस्पताल (एनएमसी) अत्तरखेलबाट दिने र पछि सबैको पायक पर्ने ठाउँबाट स्वास्थ्यसेवा दिने विषयमा सोचिरहको दैनिकीलार्इ जानकारी दिए । आगामी सोमबारदेखि हप्ताको ६ दिन रिजालले केएससीबाट सेवा दिनेछन ।
प्रकाशित मिति : २२ भाद्र २०७५, शुक्रबार १३:०१
