पारस शाह पत्नि हिमानी र अामासँगै पहिलो पटक सार्वजनिक कार्यक्रममा

२१ भदाै, गोरखा । पूर्वयुवराज पारस शाह पत्नि हिमानी शाह र अामा कोमल शाहसहित पहिलो पटक अाैपचारिक कार्यक्रममा देखिएका छन । बिहीबार हिमानी ट्रष्ट र बुद्धिष्ट अर्गनाइजेशन जोडो सुद्वारा निर्मित गोरखाको पालुङटारमा रहेको भवानी माध्यामिक विद्यालयको भवन उद्घाटन कार्यक्रममा शाह परिवार एकै ठाउँमा देखिएको हो ।

पारससँगै कार्यक्रममा पूर्वराजा ज्ञानेन्द्रकी छोरी प्रेरणा सिंह, धिरेन्द्रकी छोरी दिलासा र सितास्मा शाह पनि सहभागी भएका थिए । हेलिकप्टरबाट  पालुङटार आइपुगेका पारसले स्थानीयहरुसँग भेटघाट र अन्तरक्रिया समेत गरेका थिए ।

विद्यालयमा कुल चार करोड ९५ लाखको लागतमा आठ कोठे नयाँ भवन निर्माण गरिएको हो । पूर्व राजपरिवारले अर्को अाठ कोठे भवन समेत बनाइदिने प्रतिवद्भता व्यक्त गरेको विद्यालयका प्रधानाध्यापक अोझराज गिरीले जानकारी दिए । गणतन्त्रपछि पारस पत्निसहित परिवारका साथ सार्वजनिक कार्यक्रममा पहिलोपटक देखापरेका हुन ।