वडा अध्यक्ष समेत रहेका कांग्रेस नेता भुवन सिंह घलान यौन दुर्व्यवहारको आरोपमा पक्राउ

२८ असार, मकवानपुर । नेपाली कांग्रेसका एक नेता बाल यौन दुर्व्यवहार आरोपमा पक्राउ परेका छन । मकवानपुरको कैलाश–९ का वडाध्यक्ष समेत रहेका कांग्रेस नेता भुवन सिंह घलान मंगलबार दिउँसो पक्राउ परेका हुन ।

मकवानपुरका प्रहरी नायब उपरिक्षक टेक बहादुर कार्कीलेले घलान बाल याैन दूर्व्यवहारको मुद्दामा पक्राउ परेको पुष्टि गर्दै मंगलबार नै अदालतबाट म्याद थप गरेर थप अनुसन्धान भैरहेको दैनिकीलाई जानकारी दिए ।

घलानले असार १८ र १९ गते जिल्लास्तरीय राष्ट्रपति रनिङशिल्ड प्रतियोगितामा सहभागी हुन हेटाैँडा पुगेकी कैलाश गाउँपालिका–९, नामटारको कालिका माविकी छात्रालाई यौन दुर्व्यवहार गरेका थिए ।

असार २४ गते ती छात्राले अभिभावको सहयोगमा शुक्रबार घलानविरुद्ध जाहेरी दिएकी थिइन । लगत्तै प्रहरीले पक्राउ पुर्जी जारी गरेपछि फरार रहेका घलान मंगलबार पक्राउ परेका हुन । घटनाका सम्बन्धमा थप अनुस्न्धान भैरहेको प्रहरीले जनाएको छ ।