नुवाकोटमा घरको छतबाट खसेर सिर्जना ढुङ्गानाको मृत्यु
१४ भदाै, नुवाकोट । फोहर फाल्ने क्रममा घरको छतबाट खसेर नुवाकाेटमा एक महिलाको मृत्यु भएको छ । घरको छतबाट खसेर आज विदुर नगरपालिका–१ ढुङ्गेकी ३० वर्षीया सिर्जना ढुङ्गानाको मृत्यु भएको हो ।
फोहर सङ्कलन गर्ने गाडी आएपछि उनी फोहर फाल्न घरको छतमा चढेकी थिइन् । छतमा कुर्सीमा चढेर फोहर फाल्न खोज्दा ढुङ्गाना चिप्लिएर सडकमा खसेकी थिइन् । गम्भीर घाइते उनकाे त्रिशूली अस्पतालमा उपचारका क्रममा मृत्यु भएको जिल्ला प्रहरी कार्यालयले जनाएको छ ।
प्रकाशित मिति : १४ भाद्र २०७५, बिहीबार १४:१७
