`सुनैको दरवार´ पछि क्षितिज सापकोटाको सबैलाई नचाउने गीत `छातावाली´ बजारमा

१७ असार, अष्ट्रेलिया । भनिन्छ साहित्यले मौसम अनि वातावरणलाई पछ्याउछ भने जस्तै गरि असारे साउने झरिलाई समेत सान्दर्भिक हुने गरि विगत लामो समयदेखि अष्ट्रेलियालाई कर्मभूमी बनाएका गायक तथा रचनाकार क्षितिज सापकोटाको नयाँ गीत `छातावाली´ को म्युजिक भिडियो नेपाली संगितको बजारमा सार्वजनिक भएको छ ।

सापकोटाको शब्दरचना र संगितकार अर्जुन पोखरेलको संगीत रहेको गीतको गायन स्वयं सापकोटाले गरेका छन् । भने संगित एरेन्ज बिसम आचार्यले गरेका छन् । म्युजिक भिडियोमा सरोज पाइजा, विना राउत लगायतका कलाकारहरुले अभिनय गरेका छन् । भने संगितकार समेत रहेका दिपक राज विश्वकर्माले निर्देशन र सम्पादन सुप्रिम पराजुलीले गरेका छन् | भिडिओलाई फोर बि इन्टरटेनमेन मार्फत सार्वजनिक गरिएको छ ।

दैनिकीसंग कुरा गर्दै सापकोटाले खास गरि युवाहरुले मन पर्ने अहिले चलेको ट्रेन अनुसारको डान्स मेलोडी दर्शक श्रोता माझ राखिएकाले सबैले पराउने विश्वास व्यक्त गरे । नारीको रुपको वयानसंगै एक नव युवामा मेरो पनि प्रेमीका होस भन्ने खाल्को इर्स्यालाई झल्काउने मनोरञ्जनात्मक गीत `छातावाली´लाई विगतका आफ्ना गितहरुले भन्दा धेरै माया पाउनेमा अपेक्षा सापकोटामा देखिएको छ ।

सापकोटाले दर्जन भन्दा बढि गितको रचना संगै गायन तथा संगित भरेका छन् । उनको रचनामा यसअघि प्रमोद खरेल र अस्मिता अधिकारीको स्वरमा `सुनैको दरवार´ गीतले निकै चर्चा कमाएको थियो । जसको म्युजिक भिडियोमा विपिन कार्की र लुनिभा तुलाधरले अभिनय गरेका थिए ।

यसैगरि सापकोटाकै शव्द तथा स्वरमा `करोडौँमा´ बोलको गितले युट्युव तथा सामाजिक संजालमा निकै चर्चा कमाएको थियो । जुन गीतको म्युजिक भिडियोमा आर्यन सिग्देल र रुबिना थापाले अभिनय गरेका थिए |