पोखरामा अर्की युवती मृत भेटिइन्
११ भदौ, पोखरा । पोखरामा अर्की युवती मृत भेटिएकी छिन् । आइतबार दिउँसो घरबाट निस्किएकी पुम्दीभुम्दी स्थित कोदीकी १८ वर्षीया सुस्मीता लामिछाने सोमबार बिहान फेवातालमा मृत भेटिएकी हुन् ।
छोरेपाटन उच्च मावि कक्षा १० मा अध्ययनरत लामिछानेको झोला र मोबाइल ड्यामसाइडस्थित फेवा किनारमा भेटिएको थियो । राति १२ बजे साथी र नजिकको दाजुलाई म्यासेज गरेर उनी बेपत्ता भएको प्रहरीले बताएको छ ।
नेपाल प्रहरीको रेस्क्यु टोलीले शव निकालेको हो । लामिछानेले फेवातालमा हाम फालेर आत्महत्या गरेको अनुमान गरिएकाे छ । घटनाबारे अनुसन्धान भइरहेको कास्की प्रहरी प्रवक्ता रवीन्द्रमान गुरुङले जानकारी दिए । उनी साथीको घर जान्छु भनेर घर निस्किएको परिवारका सदस्यहरुको भनाइ छ ।
प्रकाशित मिति : ११ भाद्र २०७५, सोमबार ११:५५
