सलमान खान नेपाल नआउने, आयोजकले चन्दा उठाउन सकेन, टिकट पनि बिकेन

१० जेठ, काठमाडौँ । बलिउड सुपरस्टार सलमान खान १२ जेठमा नेपाल आउने कार्यक्रम रद्द भएको छ । १४ जेठमा ‘दबंग टु नेपाल९रिलोडेड’ कार्यक्रममा सहभागी हुन बलिउड सुपरस्टार खान दुई दिन अघि नै नेपाल आउने त्य भएको भन्दै चर्चा गरिएको थियो ।

खानलाइ नेपाल ल्याउन लागेको आयोजकले पर्याप्त चन्दा उठाउन नसकेपछि कार्यक्रम रद्द भएको स्रोतले जनाएको छ । ५ हजारदेखि २५ हजारसम्म लिएर टिकटसमेत बिक्री गरिसकेका कारण आयोजकले कार्यक्रम सरेको भनेर जानकारी गराउने तयारी गरेको छ । सलमान ल्याउने भनेपछि राम्रोसँग टिकट बिक्री हुने, सरकारले पनि पैसा दिने र अन्य स्पोन्सर्स पनि खोज्न सकिने भन्दै आयोजकले काम गरेको थियो तर सोचेजस्तो कमाइ नहुने देखपछि कार्यक्रम नै रद्द हुन पुगेको स्रोतले बताएको छ ।

यसअघि पर्यटनमन्त्री प्रेम आले समेत यो अभियानमा जोडिएका थिए । १२ जेठ साँझ काठमाडौं ओर्लने बित्तिकै खानले १३ जेठमा पर्यटनमन्त्री आलेसँग माउन्ट फ्लाइट गर्ने र सोही दिन सगरमाथा क्षेत्रमा ब्रेक्रफास्टसमेत गर्ने कार्यतालिका बनाइएको थियो । ओडीसी इन्टरटेन्टमेन्ट प्रालिले खानसहिता कलाकार जम्मा गरेर १४ जेठ साँझ दशरथ रंगशाला बलिउड कलाकारसहितको कार्यक्रम राखिएको थियो ।