त्रिभुवन विश्वविद्यालय: आइतबार विदाकाे कार्यान्वयन नहुने
१ जेठ, काठमाडौं । त्रिभुवन विश्वविद्यालयले शैक्षिक संस्थाहरुमा साताको दुइ दिन बिदा दिने सरकारको निर्णय कार्यान्वयन नअने भएको छ । कोभिडका कारण प्रभाव परेको शैक्षिक पात्रो यसै पनि ढिलो भएको र पठनपाठन साथै परीक्षाका तालिकाहरू पहिले नै निर्धारण भइसकेको भन्ने कारणहरु देखाउँदै हप्तामा दुई दिन बिदा नदिने त्रिविले बताएको हो ।
विश्वविद्यालयले आज एक सूचना जारी गर्दै अर्को सूचना जारी नभएसम्मको लागि साबिकबमोजिम नै आइतबार समेत विश्वविद्यालयमा पढाइ सञ्चालन हुने जानकारी गराएको छ ।
प्रकाशित मिति : १ जेष्ठ २०७९, आईतवार १८:०१
