नेपालटार नजिकै बस दुर्घटना, २३ जना घाइते

५ भदाै, काठमाडौ । नेपालटार नजिकै बस दुरर्घटना हुँदा २३ जना घाइते भएका छन् ।  तारकेश्वर नगरपालिका स्थीत लामबगरमा बस दुर्घटना  भएकाे हाे । आज बिहान फेदी बजार बाट शहिद गेट तर्फ जाँदै गरेकाे बा ४ ख ७४७० नंम्बरको बस लामबगरको खोलामा खसेको हो ।  चालककाे लापरवाहीका कारण बस खोलामा खसेको स्थानिय बिष्णुभक्त तिमिल्सीनाले बताए ।

सो बसमा करीव ५० जना रहेको जानकारी तिमिल्सीनाले दिए । लामबगर–जरंखुको कच्ची सडक र क्षमता भन्दा बढी यात्रु राखी चालकले लापरवाही गरी तिब्र गतिमा बस चलाउदा दुर्घटना भएको प्रहरी बृत बालाजुका प्रमुख चिरन्जीवी कोइरालाले बताए ।
घाइते सबैको ग्रीनसीटी अस्पतालमा उपचार भइरहेको छ ।