फ्रान्सका लागि नेपालका पूर्व राजदूत केशवराज झाको चक्कु प्रहार गरी हत्या !

४ भदाै, काठकाडाैँ । फ्रान्सका लागि नेपालका पूर्व राजदूत केशवराज झाको काठमाडौंको थापाथली स्थित घर भित्रै चक्कु प्रहार गरी हत्या भएको छ । महानगरीय प्रहरी परिसर काठमाडौंका प्रवक्ता डिएसपी मोहन थापाका अनुसार उनलाई बिहान घर भित्र मृत अवस्थामा फेला पारिएको हो ।

८० वर्षिय झाकाे टाउकोमा चक्कु प्रहार भएको चोट देखिएकाे प्रहरीले जनाएकाे छ । उनको शवलाई पोष्टमार्टमका लागि टिचिङ अस्पताल लाने तयारी भइरहेको छ।

थप अनुसन्धानका लागि घटनास्थलमा महानगरीय प्रहरी अपराध महाशाखाको टोली पनि पुगेको छ । परराष्ट्र मन्त्रालयमा शिष्टाचार महापाल रहेर काम गरेका झा फ्रान्सको राजदूत भएसँगै सहसचिव पदबाट सेवा निवृत्त भएका हुन्। उनी विश्व सम्बन्ध परिषदको अध्यक्ष समेत रहेर काम गरेका थिए।