न्यूरोडमा आगलागी हुँदा २५ लाखको धनमाल जलेर नष्ट
४ भदौ, पोखरा । पोखराको न्यूरोडमा आगलागी हुँदा २५ लाखको धनमाल जलेर नष्ट भएको छ । अंकल्स गार्डेनको विपरीत दिशामा रहेको घरमा आगलागी हुँदा उक्त उक्त क्षति भएको हो । आगलागीबाट अरू दुर्इ पसलमा रहेका सम्पूर्ण सामान जलेर नष्ट भएका छन् ।
नव सन स्टार ट्रेडर्समा सोलारका सामानहरु रहेको र ती सामानहरु आगोले जल्दा करिब १५ लाख र सुजल किराना पसलका सामानहरु जल्दा करिब १० लाखको क्षति पुगेको जिल्ला प्रहरी कार्यालय, कास्कीले जनाएको छ ।
राति आगलागी भएकाले धेरै क्षति भएको बताइएको छ । आगलागीको कारण यकिन भएको छैन । प्रहरीले विद्युत सर्ट भई आगलागी भएको हुनसक्ने अनुमान गरेको छ ।
प्रकाशित मिति : ४ भाद्र २०७५, सोमबार ०८:५९
