युनिक नेपाल लघुवित्तले एफपीओ निष्काशन गर्ने

२१ चैत, काठमाडाैँ । युनिक नेपाल लघुवित्त वित्तीय संस्था लिमिटेडले एफपीओ निष्काशन गर्ने भएको छ । लघुवित्तले ३ करोड ७९ लाख ४२ हजार ५०० रुपैयाँ बराबरको एफपीओ निष्काशन गर्ने भएको हो ।

एफपीओ निष्काशनको अनुमति माग्दै लघुवित्तले धितोपत्र बोर्डमा आवेदन दिएको छ । लघुवित्तले प्रतिकित्ता १०० रुपैयाँका दरले ३ करोड ७९ लाख ४२ हजार ५०० रुपैयाँ बराबरको ३ लाख ७९ हजार ४२५ कित्ता एफपीओ निष्काशन तथा बिक्री गर्न अनुमति माग्दै बोर्डमा आवेदन दिएको हो ।

एफपीओ जारी गर्न अनुमति माग्दै लघुवित्तले चैत १७ गते बोर्डमा आवेदन दिएको हो । लघुवित्तको एफपीओ निष्काशन तथा बिक्री प्रबन्धकमा मुक्तिनाथ क्यापिटल रहेको छ ।