माघ २६ गतेदेखि आईपीओ निष्काशन गर्दै इमर्जिङ्ग नेपाल

१८ माघ काठमाडौँ। इमर्जिङ्ग नेपाल लिमिटेडले माघ २६ गतेदेखि सर्वसाधारणहरुका लागि साधारण सेयर (आइपिओ) निष्कासन तथा बिक्री खुल्ला गर्ने भएको छ । कम्पनीले प्रतिकित्ता १०० रुपैयाँ अंकित दरमा  साढे ५ करोड रुपैयाँ बराबरको ५ लाख ५५ हजार ६ सय कित्ता आईपीओ बिक्री गर्ने भएको हो ।

जसमध्ये २ प्रतिशत अर्थात ११ हजार ११२ कित्ता कर्मचारीहरुलाई र ५ प्रतिशत अर्थात २७ हजार ७८० कित्ता सामूहिक लागनी कोषहरुका लागि र बाँकी ५ लाख १६ हजार ७०८ कित्ता सेयर सर्वसाधारणका छुट्याइएको छ । कम्पनीले निष्काशन गर्ने उक्त आइपीओमा छिटोमा फागुन १ गतेदेखि ढिलोमा फागुन ११ गतेसम्म न्यूनतम १० कित्तादेखि १ हजार कित्तासम्मका लागि  आवेदन दिन सकिनेछ ।

आईपीओ निष्काशन तथा बिक्री प्रवन्धक एनआईसी एशिया क्यापिटल लिमिटेड रहेको छ । उक्त आईपीओमा आवेदन दिन इच्छुक आवेदकलेसि–आस्वा सदस्य बैंक तथा वित्तीय संस्था र मेरोशेयर वेबसाइट तथा एप मार्फत आवेदन दिन सक्नेछन् । कम्पनीको साधारण सेयर (आईपीओ) लाई रेटिङ एजेन्सी इक्रा नेपालले ‘इक्रा एनपी आईआर बीबी प्लस’ रेटिङ प्रदान गरेको छ । यसले समयमै वित्तीय दायित्व पुरा गर्न सक्ने सम्बन्धमा मध्यम जोखिम रहेको संकेत गर्दछ ।