पसलमा आगलागी हुँदा २० लाखको क्षति
१८ पुस, सिरहा । सिरहाको गोलबजार नगरपालिका–६ स्थित पूजा जेनरल स्टोर एण्ड सुर्तीजन्य किराना पसलमा आगलागी हुँदा २० लाखभन्दा बढीको क्षति भएको छ ।
पसलमा रहेका रिचार्जकाड, चाउचाउ, दालमोठ, मैदाको बोरा, तेलको टिना, गुटखा, चिनी, दालसहित जलेर नष्ट हुँदा २० लाखभन्दा बढी मूल्य बराबरको क्षति भएको पसलका सञ्चालक सुनिता कुमारी साहले बताइन् ।
आगलागीको कारण अझै नखेलेको प्रहरीको भनाइ छ ।
प्रकाशित मिति : १८ पुष २०७८, आईतवार १६:०५
