बिहारमा भ्रष्टाचारविरुद्ध कलम चलाएका पत्रकारको हत्या
२८ कात्तिक, विहार । भारतमा एक पत्रकारको हत्या भएको छ । बिहारमा भ्रष्टाचार र अनियमितताविरुद्ध समाचार संकलन गर्दै आएका स्थानीय पत्रकार बुद्धिनाथ झाको हत्या भएको हो । २२ वर्षीय झाको अपहरणपछि हत्या भएको हो ।
झाको शव आधा जलेको अवस्थामा शनिबार एउटा सडकमा फेला परेको थियो । हत्यामा संलग्न रहेको आशंका केही व्यक्ति पक्राउ परेका छन् । झालाई अज्ञात समूहले १२ नोभेम्बरमा अपरहण गरको थियो ।
समाचार संकलनका क्रममा उनलाई विभिन्न पक्षले धम्की दिने गरेका मृतकका भाइले बताएका छन् । समाचार नछाप्न दबाब दिँदै एउटा समूहले दिएको ‘घुस’ उनले अस्विकार गरेका थिए । अस्पताल सञ्चालकको योजनामा उनको हत्या भएकोे पीडित परिवारको दाबी छ ।
प्रकाशित मिति : २८ कार्तिक २०७८, आईतवार १२:०९
