कांग्रेसद्वारा राष्ट्रियसभा बैठक अाजपनि अवरुद्ध, अर्काे बैठक साउन १६ मा बस्ने
९ साउन, काठमाडौँ । नेपाली कांग्रेसले अाजपनि राष्ट्रियसभाको बैठक अवरुद्ध गरेको छ । गाेविन्द केसीकाे माग सम्बाेधन नगरेकाे भन्दै बैठक अवरुद्ध गरेको हो ।
अाजकाे बैठकमा कांग्रेसका सदस्यहरुले उभिएर विरोध जनाइरहेपछि अध्यक्ष तिमिल्सिनाले साउन १६ गते बुधबार ११ बजे सम्मका लागि बैठक स्थगित गरेका हुन् । यसअघि अध्यक्ष तिमिल्सिनाले सरकारका मन्त्रीहरुलाई समयमै बैठकमा उपस्थित हुनका लागि ध्यानाकर्षण गराएका थिए । अाजकाे बैठकमा विषयगत समिति गठन गर्ने कार्यतालिका थियो ।
राष्ट्रियसभाको मंगलबारको बैठक पनि कांग्रेसको विरोधका कारण अवरुद्ध भएको थियो ।
प्रकाशित मिति : ९ श्रावण २०७५, बुधबार १३:१५
