वर्षाले भित्र्याउन लागेको धानबालीमा क्षति
१ कात्तिक, कालिकोट । वर्षाका कारण पाकिसकेर भित्र्याउन लागेको धानबाली क्षति भएको छ । अबिरल परेको बेमौसमी पानी तथा हावा हुरीले खाँडाचक्र नगरपालिका–५ दाहाँ, रास्कोट, चिल्खायालगायतका विभिन्न क्षेत्रमा काटेको र पाक्नै लागेको धानबालीमा क्षति गरेको हो ।
धान काटेर खेतमा सुकाउन फिजाएर राखेको बेला अनपेक्षित वर्षातका कारण सुरक्षित स्थानमा राख्नसमेत नभ्याउँदा क्षति पुगेको किसानले बताएका छन ।
दुईदिन अघि टन्टलापुर घाम लागेपछि पाकेको धान काटेर सुकाउन फिजाएर राखेको क्षेत्रमा पानी परेपछि धान पानीमाथि तैरीएको अवस्था छ ।
प्रकाशित मिति : १ कार्तिक २०७८, सोमबार १८:०२
