रुकुमकाे सिस्ने धारापानीमा जीप दुर्घटना,७ जनाको मृत्यु ४ घाइते
२ साउन, काठमाडौं । रुकुमको सिस्ने धारापानीमा जीप दुर्घटना हुँदा ७ जनाको मृत्यु भएको छ भने ४ जना घाइते भएका छन् ।
रुकमकोटबाट धौलापैरा जाँदै गरेको लु १ ज २५७३ नम्बरको जीप दुर्घटना हुँदा ४ जनाको घटनास्थलमा र ३ जनाको उपचारका क्रममा मृत्यु भएको जिल्ला प्रहरी कार्यालय रुकुमपूर्वका डीएसपी प्रविणलाल श्रेष्ठले जनाएका छन् ।
दुर्घटनामा घाइते भएका ४ जनालाई हेलिकोप्टरमार्फत उपचारका लागि काठमाडौं ल्याइएको छ । ११ जना मानिस चढेको जीप भीरमा सडकदेखि एक सय मिटर तल खसेर दुर्घटना भएको हो ।
प्रकाशित मिति : २ श्रावण २०७५, बुधबार १८:१३
