नागरिक लगानी कोषकाे साधारण सभा असार १८ मा हुने
२३ जेठ, काठमाडाैँ । नागरिक लगानी कोषले लाभांश पारित गर्न वार्षिक साधारण सभा बोलाएको छ । जेठ २१ मा बसेकाे कोष सञ्चालक समितिको बैठकले असार १८ गते २६ औं वार्षिक साधारण सभा बोलाउने निर्णय गरेको हो ।
गत आर्थिक वर्ष २०७६/७७ को नाफाबाट लगानीकर्तालाई प्रस्तावित ९ प्रतिशत बोनस शेयर र कर प्रयोजन सहित ८.८९ प्रतिशत नगद गरी कुल १७.८९ प्रतिशत लाभांश वितरण गर्ने प्रस्ताव पारित गर्नेछ ।
कोषले साधारण सभा तथा लाभांश प्रयोजनका लागि असार ८ गते शेयर बुक क्लोज गर्ने निर्णय गरेको छ । त्यसअनुसार असार ७ गतेसम्म कायम शेयरधनीहरुले मात्रै कोषको लाभांश प्राप्त गर्ने छ ।
प्रकाशित मिति : २३ जेष्ठ २०७८, आईतवार १७:०८
