प्रधानमन्त्री बन्न जिउँदालाई भट्टा भित्र हाले जस्तो छ र ?
-अर्जुन पाण्डे
फेरी पनि बोलाउने सरकार बनाउन ?
फेरी पनि डाक्ने हाम्लाई प्रधामन्त्री बन्न ?
थाहा छैन तिम्लाई हाम्ले चुनाव हारेका ?
दुनियाँले सबका सामु धुलो पारेका ?
तागत छैन भन्ने हाम्रो जान्दा जान्दै पनि
योग्य छैनौँ भन्ने हामी ठान्दा ठान्दै पनि
के ठानेर बोलाएको प्रधानमन्त्री बन्न ?
के ठानेर बोलाएको सरकार बनाउन ?
हो यसैमा, हाम्रो घोर आपत्ती छ ।
फेरी पनि हाम्रो यसमा घोर विरोध छ ।
ध्वस्त पार्ने, भत्काउने जस्तो काम त हैन
हंकंग व्यैंकक उडाउन अहिले सकिँदैन ।
मिलीजुली बस्ने कोही छैन हाम्रो भर ।
जिउँदालाई भट्टा भित्र हाले जस्तो छ र ?
पुल पुलेसा तुइन भवन बाले जस्तो हो र ?
आफै खुट्टा तान्ने खेल खेले जस्तो हो र ?
यति पनि नबुझेर फेरी बोलाउने ?
प्रधानमन्त्री हाम्लाई फेरी खोज्ने बनाउन ?
फेरी पनि डाक्ने हाम्लाई सरकार बनाउन ?
हो यसैमा, हाम्रो घोर आपत्ति छ ।
फेरी पनि हाम्रो यसमा घोर विरोध छ ।
प्रकाशित मिति : ७ जेष्ठ २०७८, शुक्रबार ०९:२९
