ओली सरकारका मन्त्रीहरुको कार्यशैलीबाट कांग्रेस र उसका समर्थक अातंकित (भिडियोसहित)
१२ असार, काठमाडौँ । नेकपाका अध्यक्ष केपी शर्मा ओली नेतृत्वको वर्तमान सरकारका मन्त्रीहरुको कार्यशैलीबाट नेपाली कांग्रेसका नेता कार्यकर्ता र समर्थक त्रशित बनेका छन । मंगलबारको संसद बैठकमा बजेट माथिको छलफलमा भाग लिँदै नेपाली कांग्रेसका सांसद डा मिनेन्द्र रिजालले मन्त्रीहरुको कार्यशैलीप्रति तीव्र असन्तुष्टि जनाए ।
उनले मन्त्रीहरुलाई नियन्त्रण गर्न प्रधानमन्त्रीलाई पटक पटक आग्रह गरे । सांसद रिजालले दुई तिहाई मतले नयाँ कानुन बनाउन वा संशोधन गर्न आग्रह गर्दै भएको मौजुदा कानुनको पालना गर्न आग्रह गरे ।
काम नगर्ने ठेकेदारलाई गृहमन्त्रीले पक्राउ गरेर थुनेकोप्रति बढी आक्रोशित भएका डा रिजालले आफू सञ्चारमन्त्री हुँदा आफैँले एकपटक बन्द गराएको नेपाल टेलिभिजनको कार्यक्रम सीधा प्रश्नको सन्दर्भ जोडेर सञ्चारमन्त्रीको समेत आलोचना गरे ।
डा मिनेन्द्र रिजालको भनाइ तलको लिंकमा सुन्न र हेर्न सक्नुहुन्छ । भिडियो सौजन्यः न्युज एजेन्सी नेपाल ।
प्रकाशित मिति : १२ असार २०७५, मंगलवार १३:५०
