कोटेश्वरमा पेस्तोल देखाएर लुटपाटको प्रयास

१९ पुस, काठमाडौँ । कोटेश्वरमा बिहानै पेस्तोल देखाएर लुकपाटको प्रयास भएको छ । बिहान साढे ६ बजेको समयमा कोटेश्वर चोकमा एक युवकलाई पेस्तोल देखाएर लुटपाटको प्रयास भएको प्रहरीले जनाएको छ ।  सिन्धुलीका युवराज आलेमगरलाई अपरिचित पुरुषले पेस्तोल देखाएर लुट्ने प्रयास गरेका हुन् ।  उनले पेस्तोल देखाएर आफ्नो मोबाइल खोस्न खोजिएको तर प्रतिवादका क्रममा हतियार झरेको बयान दिएका छन् ।

यद्यपी त्यो पेस्तोल कसको हो भन्नेबारेमा अनुसन्धान भइरेहेको प्रहरीले जनाएको छ। महानगरीय प्रहरी परिसर काठमाडौँका प्रवक्ता (डिएसपी) प्रमेश विष्टले एउटा पेस्तोल र एक राउण्ड गोली फेला परेको जानकारी दिए। घटनाबारे थप अनुसन्धान भइरहेको विष्टले बताए ।

‘