भारतीय अभिनेत्री मोहना कुमारीसहित उनका परिवारका ५ सदस्यमा कोरोना संक्रमण
२० जेठ, एजेन्सी । भारतीय टिभी सिररियल ‘ये रिश्ता क्या कहलाता है’ मा काम गरेकी अभिनेत्री मोहना कुमारी सिंहमा कोरोना भाइरस संक्रमण भएको छ । उनका श्रीमान सुयश रावत, सासु ससुरा लगायत परिवारका ५ जना सदस्यमा कोरोना पोजेटिभ देखिएको छ । मोहनाको घरमा काम गर्ने अन्य १७ कर्मचारीमा कोभिड–१९ परीक्षण पोजेटिभ आएको छ । सबै ऋषिकेशको एम्स अस्पतालमा भर्ना छन् । यतिबोल उनीहरुको परिवार नै देहरादुनको एक नीजि अस्पतालमा भर्ना भएका छन् । परिवारका सदस्य र सहयोगीको गरी जम्मा ४१ जनाको स्याम्पल टेस्ट गरिएको थियो जसमध्ये २२ जनाको पोजेटिभ देखियो ।
मोहनाले गत वर्ष अक्टुबरमा अत्तरखण्डको पर्यटन मन्त्रीको छोरा सुयश रावतसँग विवाह गरेकी थिइन् । उनीहरुको विवाह एक भव्य समारोहको साथ गरिएको थियो । भारतीय मिडियाले जनाए अनुसार उनीहरुको स्वास्थ्य अवस्था अहिले सामान्य छ । मोहनाले एक वेबसाइडमा कुरा गर्दै भनेकी छन्, हाम्रो अवस्था सामान्य छ हामी अस्पतालकै क्वारेन्टाइनमा बसेका छौ । चिन्ताको कुनै विषय छैन । ’ उनीहरु अस्पताल भर्ना भएको आज दोस्रो दिन हो ।
प्रकाशित मिति : २० जेष्ठ २०७७, मंगलवार १३:५०
